GURU MAHIMA SLOKAS - HINDI 1. Guru Ke Guron Kaa Kaisey Karoon Bakhaan Jo Hai Daaman Mein Sab Guru Ka Daan Guru Kripaa Bin Anjali Hai Murkh Naadaan Mitaayaa Pal Mein Hee Vidya Ka Abhimaan 2. Hath-u Chhod Kar Aa Guru Ke Dwaarey Bhar Bhar Pyaalaa Prem Ka Anjali Tujhey Pilaa-ay Antarmann Ki Aakhein Kholey Achraj Tujhey Dikhaa-ay Sab Mein Phir Ek Tu Hee Tu, Ahem Tera Mitt Jaaye 3. Mahima Guru Ki Aprampaar Guru Bin Kaun Lagaavey Paar Har Taraf Anjali, Mehekti Bahaar Lok-parlok Mein Wahi Madadgaar 4. Galiyon Mein Yoon Toh Miltey Guru Hazaar Virlaa Hi Sachaa Guru, Jo Piye Pilaa-ay Pyaar Akhiyaan Khol Anjali, Uski Baatt Nihaar Mitaa-ee Jisne Khudi Apni, Ho Uss Par Balihaar 5. Guru Bin Naheen Koi Sahara Sachi Raah Dikhaa-ay Guru Hamara Manzil Tak Anjali Guru Pahunchaa-ay Bigdee Kismet Guru Hi Banaa-ay 6. Virlaa Koi Sachaa Guru Sansaar Mein Jisne Bisara Khud Ko, Ander Ke Deedar Mein Dekhe Jyot Uss Ish Ki, Har Hadd Ko Paar Kar Phir Laut Gaye Apne Dhaam, Anjali Ko Jagaakar 7. Be-hadd Be-parvaah, Rahein Guru Iss Sansaar Na Darr, Na Chintaa, Na Mann Par Koi Bhaar Sache Shah Anjali, Hain Woh Bade Dildaar Jahaan Bhi Jaaye Nazar, Vahaan Saajan Ka Deedaar 8. Guru Kripaa Karey Toh, Mittey Sab Abhimaan Ek Pal Mein Miley Antarmann Ka Gyaan Miley Tujhey Anjali Hari Naam Kaa Daan Paaye Koi Virlaa Laakh Hazaaron Mein Aisaa Yeh Vardaan 9. Ved Puraan Toh Khoob Padhe, Mitaa Na Andhkaar Tirth Tap Toh Laakh Kiye, Milaa Naheen Koi Saar Uth Jaag Anjali Kar Guru Sey Pyaar Milaa-ay Mehboob Sey Jo Kholey Dasmaya Dwaar 10. Mahima Guru Ki Kaun Bakhaaney Log Jamaatey Yahaan Khazaane Uth Jaag Anjali Kar Naa Der Pal Mein Ojhal Ho Jaayeingey Pakad Ley Tu Guru Ke Pair 11. Kaise Guru Ki Saakh Ko Vaani Karey Bakhaan Balihaari Guru Aapno Diyo Preet Raspaan Prem Ki Talwaar Sey Kaatiyo Sab Abhimaan Anjali Palchhin Mein Paayo Darshan, Mitiyo Mann Ko Maan 12. Guru Ke Sang Mein Hotey Tann Mann Paavan Mittey Sab Klesh Barsey Guru Kripaa Kaa Saawan Binaa Kisi Der Ke Ban Jaa Sab Ki Dhool Phir Tere Aangan Mein Aayeingey Preetam Zaroor 13. Guru Ke Mann Mein Chaah Naheen Hai Koi Rakh Hauslaa Chaahey Mushkil Ho Koi Dil Mein Anjali Virah Ki Lau Jagaa Aashiqon Ki Raah Chal, Mehboob Ko Tu Paa ☼